Eten digitala, teknologiari dagokionean, pertsonen, gizarteen eta erakundeen artean ematen den desberdintasuna da. Hots, teknologia berriak erabiltzeko aukera duten eta aukera hori duten baina erabiltzen ez dakitenen artean ematen da. Bestetik, aipatzekoa da, bazterketa hau ez dela teknologikoa bakarrik, pertsonala eta soziala ere delako.
Eten hau mundu osoan zehar emateaz gain, betidanik egon den egoera bat ere bada. Izan ere, aipatu bezala, bazterketa modu askotakoa izan daiteke. Hala eta guztiz ere, azken urteetako garapen teknologikoa dela eta, hots, teknologia berriak sortu zirenetik, gure gizartean are gehiago pairatzen da eten digital hau.
Horrez gain, eta eten honen arrazoi nagusia herrialdeen artean dagoen garapen desberdintasuna bada ere,eten hauek mota ezberdinetakoak izan daitezke.
Hasteko, sarbide-etena dago. Eten hau IKTetara sartzeko ezberdintasunen ondorioz sortu da, hau da, IKT azpiegitura eta ekipamendu eskuragarritasunarengatik.
Bestetik, erabilera-etena dago. Kasu honetan, IKT ekipamendua izateak edota hau eskura izateak, ez du bermatzen kide guztiek erabiliko dutenik. Egoera hau, hainbat faktore ezberdinengatik sortu daiteke, besteak beste, adina eta ikasketa maila.
Azkenik, eskuratze-etena dago. Eten hau prestakuntza mailarengatik baldintzatuta dago, izan ere, informazioa eskuratzeak ez du nahitaez esan nahi zerbitzuak garatzeko gaitasun osoa jaso dutenik.
Egoera honi, eta batez ere, orokorrean gizartean dagoen eten digitalari aurre egiteko, hainbat faktore kontuan hartu beharko lirateke. Lehenik eta behin, gizakien baldintza eta ezaugarriei moldatutako azpiegiturak sortzea, hau da, pertsonek teknologia berrietara sarbide erraza izatea. Bestetik, alfabetatze hau, hezkuntza premia bereziak dituzten pertsonengana hedatzea. Eta azkenik, eten digital ezberdinen oztopoak gainditzeko, kontzientzia soziala sortu.
No hay comentarios:
Publicar un comentario